मुलांची पालकांकडून अपेक्षा

मुलांची पालकांकडून अपेक्षा ही कृती पालकांनी व मुलांनी एकत्रित बसून पूर्ण करावी.
मुलांची पालकांकडून अपेक्षा” ही कृती म्हणजे मुलं व पालकांमध्ये खरी दोन बाजूंचा संवादाची संधी आहे.
काही अपेक्षा ऐकून आश्चर्य वाटलं तरी शांत व समंजस प्रतिसाद द्या.
मुलांच्या अपेक्षा योग्य/अयोग्य ठरवण्याऐवजी त्यामागचं कारण समजून घ्या.

Please enter your email:

वेळ आणि संवाद

1.मला वेळ द्यावा.

2.अभ्यासाव्यतिरिक्त इतरही बाबींवर माझ्याशी बोलावं.

3.मला तुमच्या चर्चेत सामील करा.

4.ज्या गोष्टी मी समजू शकतो त्या माझ्यासोबत शेयर कराव्यात.

5.मी विचारलेल्या प्रश्नांची उडवा-उडवीची उत्तरं देऊ नयेत.

6.माझ्याशी संबंधित कार्यक्रम व कुटुंबातील कार्यक्रमाचं नियोजन मला करण्याची संधी द्यावी.

समजून घेणं आणि प्रेम

1.मला समजून घ्यावं.

2.माझ्यावर प्रेम करावं.

3.माझ्यातल्या चांगल्या गुणांचं कौतूक करावं.

4.माझ्यातली बलस्थाने समजून घ्यावीत.

5.माझ्यात असलेल्या कमजोरींना मोठं न करता माझ्या आवडीनुसार प्राविण्य मिळवण्यासाठी पाठिंबा द्यावा.

6.मी मनाने केलेल्या कामांची दखल घ्यावी; त्यात चुका काढू नयेत किंवा हिरमोड करू नये.

7.आई-वडिलांनी आपलं म्हणणं हसण्यावर नेऊ नये; त्याची योग्य ती दखल घ्यावी.

स्वातंत्र्य आणि निर्णय

1.मला जे साध्य करता येतंय तेच करू द्यायची संधी द्यावी.

2.मला मुक्तपणे वावरण्याची संधी द्यावी.

3.मला माझे निर्णय घेऊ द्यावेत.

4.मला माझे विचार मांडण्याचं स्वातंत्र्य द्यावं.

5.मला सारख्या सूचना नकोत.

6.मित्र निवडण्याचा अधिकार माझा मलाच असावा.

7.माझ्या मित्रांचाही स्वीकार व्हावा.

8.पालकांनी स्वतःच्या आवडी-निवडी लादू नयेत; माझ्या आवडी-निवडींचा स्वीकार व्हावा.

9.मला ज्यात आवड आहे तेच करू द्यावं.

तुलना आणि आदर

1.माझी इतर मुलांशी तुलना करू नये.

2.माझी भावासोबत किंवा बहिणीसोबत तुलना करू नये.

3.माझ्यातील चांगल्या किंवा वाईट बाबी इतरांना माझ्या परवानगीशिवाय सांगू नयेत.

4.आम्हाला काही समजत नाही असं समजू नये; आम्हालाही बऱ्याच गोष्टी समजतात.

5.घरातील आजी-आजोबांना ओरडून किंवा रागावून बोलू नये.

प्रोत्साहन आणि मार्गदर्शन

1.मला शाबासकी द्यावी.

2.चुकलं तर न रागावता चूक समजावून सांगावी.

3.माझ्या अभिव्यक्तीला वाव द्यावा.

Question 1 of 5